“Ne jemi të qartë ose koalicion me LV ose opozitë”, kështu ka thënë nënkryetari i LDK-së, Lutfi Haziri kur është pyetur nga Abc News nëse nuk bien dakord për koalicion me LV-në.

Haziri është shprehur i bindur se kjo marrëveshje do të arrihet edhe pse kanë mbetur vetëm edhe tre ditë nga data kur do të mbahet seanca konstituive e Kuvendit të Kosovës.

Numri dy i LDK-së zbulon se ekziston edhe një mundësi që marrëveshje për postin e presidentit mund të shtyhet për një moment tjetër.

“Mund të mbetet edhe më vonë zgjidhja e definicionit për Presidentin”, ka thënë Haziri.

Ai ndër të tjera ka thënë se Lidhja Demokratike nuk ka ndonjë emër për postin e presidentit, por preferon ta ketë një kandidat konsensual.