Haziri: Situata në ditët e fundit me Covid është alarmante
21 mars 2021
| 19:39
Kryetari i Komunës së Gjilanit, Lutfi Haziri përmes një postimi në llogarinë e vet në “Facebook”, ka shkruar se virusi Covid-19 edhe pas një viti është në mesin tonë.
“Situata në ditët e fundit është alarmante. Ju lutem, kujdes me maska, distancë e higjienë personale, në emër të 116 bashkëqytetarëve që e kanë humbur jetën”, ka shkruar Haziri.
Pasqyra e përgjithshme në Gjilan që prej fillimit të pandemisë është si vijon: nga 16256 mostra, 4486 kanë rezultuar pozitivë, 3894 janë shëruar, 116 qytetarë e kanë humbur betejën me virusin, 476 raste janë aktive, të hospitalizuar me Covid janë 94 persona dhe 485 mostra në pritje për rezultat.