![](https://www.epokaere.com/wp-content/uploads/2020/07/meta-e-luta.jpg)
Haziri takohet me Metën në Tiranë, bisedojnë për sfidat e Kosovës dhe Shqipërisë
Presidenti i Shqipërisë, Ilir Meta, ka pritur në takim kryetarin e Gjilanit, Lutfi Haziri, me të cilin ka biseduar rreth sfidave dhe rrugës euroatlantike të dy shteteve shqiptare.
Po ashtu, Meta ka thënë se me Hazirin kanë biseduar edhe për pandeminë Covid-19.
“Mikprita sot kryetarin e komunës së Gjilanit, z.Lutfi Haziri. Në bisedën e hapur ndamë mendime rreth sfidave dhe rrugës euroatlantike të Kosovës dhe Shqipërisë, duke u ndalur veçanërisht në domosdoshmërinë e tejkalimit sa më të shpejtë dhe të lehtë të pasojave të pandemisë Covid-19, me afrimin e pikut të sezonit turistik. I përcolla përshëndetjet më të përzemërta vëllazërore për të gjithë bashkëqytetarët e mi të Gjilanit”, ka shkruar Meta në llogarinë e vet në “Facebook”.
(F.D/ Epoka e re)