Kryetari i Komunës së Gjilanit, Lutfi Haziri, ka pritur të mërkurën në takim pune drejtorin e teatrit profesionist të qytetit, Erson Zymberi, dhe kryetarin e Shoqatës Sindikale të Teatrit, Naser Zymberi.

Gjatë këtij takimi është diskutuar lidhur me kalendarin e aktiviteteve të teatrit dhe për buxhetin për vitin 2019.

Haziri në këtë takim ka shfaqur zotimin për mbështetjen maksimale për teatrin profesionist të qytetit me të gjitha kapacitetet komunale.

Ndërkaq drejtori i teatrit, Erson Zymberi, dhe ai i sindikatës, Naser Zymberi, kanë falënderuar kryetarin Haziri për pritjen dhe zotimin e tij për përkrahje.