Kuvendi i Kosovës të enjten është përfshirë në një situatë të paparë ndonjëherë.

Tensionet e seancës se sotme kanë shpërthyer në përleshje në mes të deputetëve të PDK-së dhe ministrave e qeverisë Kurti.

Kush e provokoi situatën?

Derisa kryeministri i Kosovës i Kosovës, Albin Kurti, mbante adresimin e tij për marrëveshjen e fundit për shtensionimin e situatës në veri, deputetja e PDK-së, Ganimete Musliu në foltoren e Kuvendit ka vendosur një pankartë ku shihet kryeministri Kurti me hundë të madhe. Pas vendosjen se fotos, ajo ka shkuar në ulësen e saj.

Ky veprim i deputetes së PDK-së i ka penguar zëvendëskryeministrit të parë të Kosovës, Besnik Bislimi, i cili është ngritur dhe ka larguar parullën, duke e shqyer atë në mënyrë arrogante.

Më pas, deputeti i PDK-së, Mergim Lushtaku është ngritur dhe i ka hedhur ujë kryeministrit Albin Kurti dhe zëvendëskryeministrit Bislimi, një veprim që kur LV-ja ishte në opozitë e ka bërë shumë herë.

As ky veprim nuk i ka pëlqyer zëvendëskryeministrit Bislimi dhe ministrit Hekuran Murati, të cilët janë ngritur për ta mbrojtur kryeministrin.

Më i acaruar është parë Bislimi, i cili e ka gjuajtur me shishe deputetin e PDK-së.

Veprimi i arrogant i Bislimit ka nxitur reagimin e deputeti Lushtaku.

Më pas, në përleshje janë përfshirë edhe deputetët tjerë të PDK-së dhe LV-së. Pamjet tregojnë, se zyrtarët e të dy palëve ka shpërndarë grushte.

Më pas, kryetari i Kuvendit të Kosovës, Glauk Konjufca, ka ftuar policinë të futet në sallë. Me ndërhyrjen e policisë, përleshja është ndalur, por situate në Kuvend ende vazhdon të jetë e tensionuar, raporton “Nacionale”.

Beqa grushtoi ministrin Hekuran Murati

Gjatë përleshjes, deputeti i PDK-së Hajdar Beqa shihet në pamje derisa e grushton ministrin Hekuran Murati që i doli në mbrojtje kryeministrit Kurti pasi ndaj tij u hodh ujë nga ana e deputetit Mërgim Lushtaku.

Ai shihet derisa fillimisht i merr syzet e Muratit, dhe më pas e godet.

Më pas,  Beqa shihet edhe gjatë pjesës tjetër të videos derisa mban në dorë syzet e Muratit.

I grushtuar nga kjo situatë mbeti edhe zëvendëskryeministri Besnik Bislimi. Nga pamjet e publikuar deri me tani ende nuk dihet se kush se kush e goditi Bislimin.