Jordan Henderson është kapiten i Liverpoolit dhe lojtari i pari i këtij klubi që do ta ngre lartë trofeun e Ligës Premier. Ka qenë një udhëtim i jashtëzakonshëm për Henderson në ‘Anfield Road’, ndër vite duke u rritur si lojtar.

Henderson tani me krenari mund të thotë se është kampion evropian, botëror dhe fitues i Ligës Premier, si dhe potencialisht mund ta fitojë çmimin “Player of the Year”.

Natyrisht, pas një lajmi kaq të madh, ku Liverpooli u shpall kampion për herë të parë në histori të këtij formati të Ligës Premier, “Sky Sports” dëshironte të kapte Henderson në emocionet e tij të madh pas shpalljes kampion.

“Unë nuk kam dashur të flas për këtë deri në këtë moment, është e mahnitshme që më në fund të arrij këtë linjë. Unë jam aq i lumtur për të gjithë djemtë, tifozët, tërë klubin dhe qytetin. Unë jam pak i tronditur tani. Është një ndjenjë e mahnitshme dhe them se jam shumë krenar për atë që kemi arritur”.

“Natyrisht, kur ne fituam Ligën e Kampionëve ishim në fushë dhe kishte shumë emocion, por kjo ishte një ndjenjë ndryshe. Është një moment tjetër i paharruar në jetën tonë që nuk do ta harrojmë kurrë”, ka thënë kapiteni.

“It’s another moment in our lives that we will never forget.”

An emotional Jordan Henderson gives his reaction to Liverpool's Premier League title win.

Watch our special reaction show live on Sky Sports News now: https://t.co/vLGbanplcI pic.twitter.com/ayel3kc5qq

— Sky Sports Premier League (@SkySportsPL) June 25, 2020