Thierry Henry nuk është adhurues i VAR-it, të paktën jo në gjendjen e tij aktuale dhe me shpejtësinë aktuale.

Sulmuesi i pensionuar beson se duhet shumë kohë për të marrë një vendim, duke prishur festimet e golave.

“Në futboll ne jemi ende prapa, kemi shumë për të mësuar”, ka thënë ai, duke folur në konferencën e Leaders Week Sport Business në Londër.

“Ajo që mund të shoh në futbollin amerikan, në regbi, në kriket apo çfarëdo që të jetë, tenis, është e menjëhershme. Me VAR-in, ajo me të cilën mërzitem është se nuk është mjaftueshëm i shpejtë. Një gjë tjetër që është shumë e vështirë për mua është që unë dikur shënoja gola si lojtar. Ndonjëherë nuk e di tani nëse po feston apo jo. Kjo e vret gëzimin e lojës”, ka deklaruar legjenda e Arsenalit dhe Barcelonës.