Ismet Sylejmani

Heroi i Kombit Naser Veliu, bën pjesë në atë resht, i cili u bë barikada e pakalueshme dhe istikami nga i cili nuk nxirreshin dot të gjallë luftëtarët e lirisë, para se ta fitonin me gjak e luftë, pavdeksinë e madhe!

Heroi i Kombit Naser Veliu, ka meritën e madhe, sepse me pavdeksinë e Tij, e bëri pjesë aktive nderimin e pandalshëm edhe në tokën e të parëve tanë, në truallin e lashtë e të larë me gjak të popullit shqiptar në Maqedoninë e Veriut!

Lëvizja Popullore e Kosovës me aktivitetin e veprimtarëve të sajë dhe me gjakun e Tyre të derdhur për liri, ishte zot në tokën shqiptare në Maqedoninë e Veriut, sepse pjestari i sajë, Heroi i Kombit Naser Veliu, i kishte dhënë gjak nga trupi i Tij dhe me jetën e Tij, ishte bërë ngjashëm sikur Jusufi, Kadriu e Bardhoshi, sikur Rexhepi e Nuhiu, sikur Afrimi e Fahriu, sikur Fadili e Zijahu, e sikur shumë të tjerë, bazamenti i çeliktë i madh politiko-kombetar e ushtarako-çlirimtar për t’u emertuar e për t’u themeluar dhe pastaj për të filluar lufta e armatosur e Ushtrisë Çlrimtare të Kosovës, e UÇPMB-së dhe e Ushtrisë Çlirimtare Kombëtare!

Kryetari historik i LPK-së Fazli Veliu dhe Udhëheqësi i popullit shqiptar Ali Ahmeti, e kishin argument të madh e të fuqishëm në rrugën e tyre për liri, çlirim, pavarësi e drejtësi të popullit shqiptar të Kosovës dhe viseve të saja, ngase me rënien e Tij, veprimtari i LPK-së, Heroi i Kombit Naser Veliu, kishte realizuar përfshirjen e plotë edhe me gjak të kontributit të gjeografisë së Atdheut!

Roli i madh, jo vetëm i pa mohueshëm, por edhe i pakrahasueshëm i popullit shqiptar nga Maqedonia e Veriut, me figurën emblemë të Heroit të Kombit Naser Veliu, është përfaqësuar me dinjitet e me nderim në arenën kombëtare, sepse rreshtimini Tij në kontributin e të mëdhenjëve që i kanë dhënë çështjës së madhe të popullit, Atdheut dhe Kombit, mbetet kryelavdia në mes të Panteonit të Kombit!

Lavdi Heroit të Kombit Naser Veliu??

Prishtinë, 23 Prill 2022