Zjarret kanë përfshirë pjesë të mëdha të Kosovës, duke filluar nga grunajat (hamulloret) e duke vazhduar edhe malet dhe bjeshkët.

Shumë fusha e male kanë filluar të digjen në këto ditë kur edhe temperatura shënonin shifra shumë të larta.

Ata që janë padyshim heronj e këtyre ditëve janë zjarrfikësit. Ata në vazhdimësi po intervenojnë kudo ku ka vatra të zjarrit.

Njësoj kanë vepruar edhe në Junik, ku ndonëse kanë lënduar vetën, kanë arritur të shpëtojnë pa u djegur një shtëpi.

Përkrah tyre kanë qëndruar edhe policia e Junikut të cilët kanë bërë një punë vetëmohuese.

Komuna Junikut në profilin e saj zyrtar të “Facebook”, ka bërë të ditur se është përfshirë nga zjarri një aneks i një shtëpie në lagjen “Agim Ramadani”, por falë intervenimit të shpejtë të zjarrfikësve dhe policisë së kësaj Komunë, është parandaluar djegia e shtëpisë, dhe është shuar ky zjarr.

Postimi i plotë:

PËRFSHIHET NGA ZJARRI ANEKSI I NJË SHTËPIE NË LAGJEN AGIM RAMADANI

Një aneks i një shtëpi në lagjen Agim Ramadani në Junik është përfshirë nga zjarri, ku falë intervenimit të shpejt profesional dhe vetëmohues të zjarrfikësve dhe policisë së Junikut u parandalua përfshirja nga zjarri dhe djegia e shtëpisë dhe evakuimi i banorëve u bë me kohe duke mos u rrezikuar jeta e tyre.

Urojmë të mos kemi më raste të tilla.

________________

Komuna Junik