Nga: Argjend Softolli

Podujeva qyteti ynë i dashur, po e përjeton një heshtje totale, kur pushteti lokal po e rrjep ngadalë dhe në heshtje.
Koha e pandemisë, qytetin tonë po e varfëron shumë cdo ditë, komuna dhe pushteti lokal nuk e ka as idenë më të vogel se si të ndihmohet qytetari, biznesi, bujqësia, gastronomia, fatkeqësisht tashme Podujevën e ka kapluar korrupsioni edhe në kohë pandemie.
Në Podujevë nuk ka testime për qytetarët që kanë simptoma te COVID-19, qytetarët e paktë që janë testuar dhe kanë rezultuar pozitiv nuk ndihmohen nga pushteti lokal e aq më pak nga ai qendror, Asambleja Komunale është në gjumë të thellë, asamblistët kanë humbur në hapësirë…
Shtëpia e Shëndetit punon me kapacitete tepër të vogla, spitali i ri i ndërtuar nuk është as 20% funksional.
Qyteti po varfërohet, qytetit tonë tashme i duhet nje platformë qeverisëse, që qytetari ta ndjejë afër pushtetin lokal.
Të nderuar qytetarë, për ju mbetet vetëm një opsion, që të keni kujdes, të mbani maskën dhe distancën fizike…