Njëri ndër ish komandantët e UÇK-së, Hisen Berisha ka kujtuar shpalljen e Kushtetutës së Kosovës më 7 shtator të vitit 1990.

Berisha përmes një postimi në llogarinë e vet në “Facebook” ka cituar Nenin 1 të asaj Kushtetute e cila ka përcaktuar Kosovën si “shtet demokratik i kombit shqiptar dhe i pjesëtarëve të pakicave kombëtare, të shtetasve të vet: serbëve, myslimanëve, malazezëve, kroatëve, turqve, romëve e të tjerëve që jetojnë në Kosovë”.

Me ketë rast, ai ka kërkuar që në oborrin e Kuvendit të Kosovës të ngritët busti i profesorit të ndjerë Gazmend Zajmi.

“Besoj se ka ardhur koha që ky nen, tekstualisht të bëhet neni një edhe i kushtetutës aktuale, si dhe në oborrin e Kuvendit të Republikës së Kosovës të ndërtohet busti i Prof. Dr. Gazmend Zajmi, si hartuesi i asaj Kushtetute!”, ka shkruar

Postimi i plotë i tij.

7 SHTATORI, 1990 – DITA QË AVANCOJË KANUNIN E DARDANËVE NË KUSHTETUTË SHTETËRORE

Përpjekjet e shqiptarëve të Kosovës për çlirim nga okupatori serb sjellën opsionin e Kosovës shtet i pavarur e demokratik.

7 Shtatori i vitit 1990, i veshi këto përpjekje me ligjshmëri dhe në nenin 1, të Kushtetutës përcaktoi Kosovën si “shtet demokratik i Kombit shqiptar dhe i pjesëtarëve të pakicave kombëtare, të shtetasve të vet: serbëve, myslimanëve, malazezëve, kroatëve, turqve, romëve e të tjerëve që jetojnë në Kosovë”. që jetonin në këtë shtet.

Besoj se ka ardhur koha që ky nen, tekstualisht të bëhet neni një edhe i kushtetutës aktuale, si dhe në oborrin e Kuvendit të Republikës së Kosovës të ndërtohet busti i Prof. Dr. Gazmend Zajmi, si hartuesi i asaj Kushtetute!

Përjetësi Republikës së Kosovës si shtet i pavarur e demokratik !

Lavdi të gjitha përpjekjeve për Liri dhe shtet!