Ndër shumë histori të ndryshme të shqiptarëve, është edhe ajo e Bekim Çallakut, i cili më 11 gusht të vitit 2014, teksa kthehej në shtëpi, pas një takimi në një prej shoqatave shqiptare, humb rrugën, transmeton albinfo.ch.

Ai tregon se instinktivisht drejtoi makinën përgjatë kryqëzimit Mågevej dhe Tornsagervej në Kopenhagen, duke menduar se do të gjente rrugën për në shtëpinë e tij.

Por, Çallaku u përball me një skenë agresioni. Ai pa një burrë të ulur mbi një grua, ndërsa ai e goditi atë rreth kokës dhe qafës me një thikë kuzhine. Pranë gruas shtrihej një fëmijë, i cili gjithashtu ishte goditur me thikë.

Ai rrefeu se ka ndaluar veturën e tij dhe ka vrapuar drejt burrit, ku ka tentuar ta ndalojë. Ata dolën dhe u përleshën, dhe burri u ndal me thikë pas Bekim Çallakut. Bekim Çallaku ka arritur ta mposhtë burrin, pas së cilës me goditje ka tentuar t’ia marrë thikën. Kjo përfundimisht pati sukses me ndihmën e dëshmitarëve dhe policisë.

Për këtë akt human ai është vlerësuar edhe nga fondi “Carnegie” për heroizëm, duke u shpërblyer me një medalje dhe 20,000 korona për heroizmin e treguar.