Izraeli është tronditur pas lajmit për vetëvrasjen të Shirel Golan në ditën e lindjes, e cila nuk arriti të rikuperohej kurrë nga tronditja e shkaktuar nga sulmi i Hamasit në festivalin e muzikës Nova, më 7 tetor 2023.

Shirel e cila mbushi 22 vjeç të diel, duhej të kalonte ditën duke festuar me familjen e saj por në vend të kësaj siç thekson Time of Israel, ajo u gjet e vdekur në shtëpinë e saj në Porat ndërsa celulari i saj ishte i mbushur plot me mesazhe urimi.

Familja e 22 vjeçares akuzon qeverinë izraelite se nuk i ka ofruar ndihmë Shirel në 12 muajt e fundit pas postit traumatik të shkaktuar nga ajo që përjetoi më 7 tetor 2023.

Si i mbijetoi sulmit vdekjeprurës të Hamasit

Shirel dhe partneri i saj Andy ishin në festivalin Nova në kohën e sulmit të Hamasit .

Fillimisht të dy u futën në një automjet me qëllim që të largoheshin nga festivali, por shpejt e kuptuan, sipas mediave izraelite, se nuk do të mund ta bënin këtë. Kështu ata braktisën automjetin dhe u fshehën për orë të tëra nën një shkurre.

Në një moment, në fakt, atyre iu dha mundësia të hipnin në një makinë tjetër, banorët e së cilës po përpiqeshin t’i shpëtonin zjarrit të terroristëve të Hamasit. Megjithatë, Shirel dhe partneri i saj refuzuan t’i ndiqnin. Pak më vonë, 11 pasagjerët e mjetit në fjalë ose u vranë ose u rrëmbyen nga Hamasi, siç rrëfeu 22-vjeçari në një intervistë televizive nëntorin e kaluar.

Shirel dhe Andy u shpëtuan përfundimisht nga oficeri i policisë Remo Salman el-Hozayel, i cili shpëtoi gjithsej 200 njerëz nga festivali Nova ndërsa ishte nën zjarr nga terroristët palestinezë.

Shoku post-traumatik

Në javët dhe muajt pas sulmit vdekjeprurës të Hamasit, Shirel zhvilloi simptoma të çrregullimit të stresit post-traumatik ( PTSD ) dhe u shtrua në spital dy herë, megjithëse familja e saj thotë se ajo kurrë nuk u diagnostikua me PTSD.

“Shteti e vrau Shirelin”, tha në mënyrë karakteristike vëllai i 22-vjeçares, Eyal në faqen e internetit Ynet.

Sipas tij, kur kishte konstatuar se Shirel ishte tërhequr nga njerëzit dhe e kishte thirrur për t’i kërkuar ndihmë, ajo iu përgjigj se në asnjë moment nuk ishte ndihmuar nga agjencitë qeveritare dhe se çdo ndihmë që kishte marrë ishte nga organizata e të mbijetuarve dhe të afërm të viktimat e festivalit muzikor Nova.

“Nëna ime u detyrua të dilte në pension të parakohshëm për të qenë në krah të vajzës së saj. Ne kurrë nuk u larguam nga ajo. E vetmja herë që ndodhi kjo ishte sot dhe ajo vendosi t’i jepte fund jetës së saj”, shtoi Eyal duke folur për Channel.

Me rastin e përfundimit tragjik të motrës së tij, Eyal Golen i bëri thirrje shtetit të Izraelit të “zgjohet”, përndryshe do të ketë të tjera incidente të tilla vetëvrasëse: “Kam humbur motrën time por dua të bërtas që të tjerët të mos humbasin të dashurit”.

Nga ana e saj, Ministria e Shërbimeve Sociale e Izraelit u përgjigj se “ne po ofrojmë ndihmë dhe masa mbështetëse në shumë mënyra për ata që i mbijetuan festivalit” duke ftuar çdo të mbijetuar të sulmit të Hamasit që ndjen nevojën për ndihmë të kontaktojë ministrinë ose me telefon ose online.