Rreth 15 mijë të vetëpunësuar do të përfitojnë rreth 6.5 milionë euro ndihmë si pjesë e Pakos së rimëkëmbjes ekonomike.

Këtë lajm e ka dhënë kryeministri në detyrë Avdullah Hoti  në një konferencë bashkë me ministrat Hikmete Bajrami e Muharrem Nitaj.

“Përfitojnë rreth 15 mijë të vetëpunësuar në mbarë vendin nga rreth 21 mijë sa janë në total. Pjesa tjetër do të përfitojë sapo të qartësohen detajet rreth kompanive”. “Nga java tjetër do të fillojë ekzekutimi i subvencioneve për bujqësi prej 12 milionë eurove. Gjithashtu kemi hapur thirrjen për të ndihmuar gratë në biznes me një shumë prej 1 milionë eurove”, ka deklaruar Hoti.