Gjatë mbledhjes së sotme të Qeverisë së Kosovës janë miratuar disa vendime që kanë të bëjnë me marrëveshjet ndërkombëtare, aspektet tjera që lidhen me funksionimin e vendit, si dhe Strategjia kundër korrupsionit 2021-2023.

Kryeministri i vendit, Avdullah Hoti, në këtë mbledhje është deklaruar edhe për masat anti-Covid, të cilat kanë hyrë në fuqi më 11 nëntor. Ai ka thënë se këto masa kanë dhënë rezultat.

“Sipas vlerësimeve ndërkombëtare, jemi në mesin e 3-4 vendeve që më së miri e kemi menaxhuar pandeminë”, ka thënë Hoti.