Kryeministri i Kosovës, Avdullah Hoti, ka realizuar të hënën një bisedë telefonike me kryesuesin e Presidencës së Bosnjë Hercegovinës, Šefik Džaferović.

Hoti ka kërkuar vazhdimin e angazhimit të Džaferovićit për heqjen sa më parë të regjimit të vizave për qytetarët e Kosovës, me qëllim të realizimit të lëvizjes së lirë të njerëzve, mallrave dhe kapitalit midis të dyja vendeve.

Ndryshe Hoti ka shprehur gatishmërinë e qeverisës për hapjen e zyrave ndërlidhëse midis të dyja vendeve, si dhe thellimin e bashkëpunimit në fushën e arsimit dhe të kulturës.