Ish-kryeministri i Kosovës, Avdullah Hoti, ka komentuar marrëveshjen e planit evropian që akoma nuk është nënshkruar, por palët, Kosova dhe Serbia kanë pasur dakordancë.

Hoti ka thënë se pika 2  e kësaj marrëveshje parasheh “kapërcimin e trashëgimisë së kaluar”, kurse  pika 4 thotë se “pa paragjykuar pikëpamjet e ndryshme të palëve për çështjet themelore, duke përfshirë çështjet e statusit”.

“Të kapërcehet e kaluara pa u ballafaquar me të?! ‘… pa paragjykuar …. çështjet e statusit’?!” ka shkruar Hoti në “Facebook” duke shprehur çudi për këto pika.

Të hënën në Bruksel është takuar kryeministri i Kosovës, Albin Kurti dhe presidenti serb, Aleksandër Vuçiq.

Takimi radhës pritet të zhvillohet në muajin mars.