Zëvendëskryeministri Avdullah Hoti në fjalën e tij në Kuvendin e Kosovës, ku po mbahet seanca për mocionin e mosbesimit ndaj Qeverisë Kurti, ai ka thënë se angazhimi i LDK-së ishte bashkëpunues.

Ai ka thënë se LDK-ja nuk ka hyrë në këtë qeveri si qiraxhi.

Hoti ka thënë se me shkarkimin e Agim Veliut, LDK-ja u bind se Kurti po kërkon shkarkimin e tij.

“Z. Kurti nuk dëshiron raporte partneriteti”, ka thënë Hoti.

Ai ka thënë se nuk mund të ketë qeveri që shkatërron raportet me SHBA-në.

Hoti u ka bërë thirrje deputetëve që ta mbështesin këtë mocion.