Kryeministri i Republikës së Kosovës, Avdullah Hoti ka pritur sot ambasadorin e Republikës së Italisë në Kosovë, Nicola Orlando.

Gjatë këtij takimi, kryeministri Hoti ka falënderuar ambasadorin Orlando për mbështetjen e përhershme të Italisë për Kosovën  duke  pohuar vendosmërinë e Qeverisë së Kosovës për të punuar ngushtë me Italinë edhe në të ardhmen.

Hoti ka njoftuar ambasadorin Orlando për prioritetet e qeverisë së re të Kosovës, ndër të cilat veçoi luftën kundër pandemisë Covid-19 dhe rimëkëmbjen ekonomike të vendit.

Po ashtu, ai tha se Qeveria e Kosovës është tërësisht e përkushtuar për forcimin e shtetit ligjor, avancimin e demokracisë, luftimin e korrupsionit, rritjen e punësimit, zhvillimin e tregut të lirë etj.

Ndërsa, Ambasadori Orlando, duke e uruar Kryeministrin Hoti për detyrën e re. Ai ka deklaruar se Italia do të vazhdojë ta mbështesë Kosovën në luftimin e pandemisë Covid -19, si dhe në përpjekjet e saj për t’i përmirësuar marrëdhëniet rajonale, mbështetjen e zhvillimit ekonomik, forcimin e sundimit të ligjit dhe luftën kundër korrupsionit.

(M.K /Epoka e re)