Kryeministri i Kosovës, Avdullah Hoti, pas mbledhjes së Këshillit të Sigurisë Kombëtare, ka thënë se do të ndërmarrin masa shtesë kundër Covid-19.

Hoti në një konferencë për medie, ka thënë se në Këshillin e Sigurisë Kombëtare është diskutuar edhe për mundësinë e shpalljes së gjendjes së jashtëzakonshme, raporton “Epoka e re”.

Ai ka thënë se ka pasur pajtueshmëri që fillimisht të shkohet me ndërmarrjen e masave rigoroze kundër Covid-19.

Në këtë kontekst, Hoti ka thënë se sot do ta mbajnë mbledhjen elektronike të qeverisë për të marrë vendim për të gjitha këto masa.

Më tutje, Hoti ka thënë se nëse nuk funksionojnë masat rigoroze kundër Covid-19, do të fillojnë përgatitjet për shpalljen e gjendjes se jashtëzakonshme. (L.G/ Epoka e re)

https://www.facebook.com/kosovapress/videos/712156156010229/