Kryeministri i Kosovës, Avdullah Hoti ka mirëpritur rolin aktiv të Shteteve të Bashkuara dhe Bashkimit Evropian në negociatat me Serbinë, duke thënë se kjo nuk do të thotë dy lloj negociatash, por që asnjëra nuk bën pa tjetrën.

Hoti ka thënë se nuk është i sigurt nëse marrëveshja për normalizim të marrëdhënieve me Serbinë mund të arrihet para nëntorit, kur pritet të mbahen zgjedhjet në SHBA.

Sipas tij, Kosova ka bërë kompromise në Pakon e Ahtisarit kur ka shpallur pavarësinë dhe se nuk bën kompromise tjera.

Duke folur në një intervistë për “Radion Evropa e Lirë”, Hoti ka thënë se nuk ka frikë se qeveria e tij do të rrëzohet dhe ai tha se nuk sheh asnjë problem që qeveria ta përfundojë mandatin.

Kryeministri Hoti ka thënë se ende nuk ka vendosur nëse zgjedhjet parlamentare në Serbi do të mbahen edhe në Kosovë.

Linku i intervistës së plotë: https://www.evropaelire.org/a/avdullah-hoti-dialogu-kosove-serbi-/30665074.html.