![](https://www.epokaere.com/wp-content/uploads/2020/07/94DE20A1-1AC7-4E59-A617-1CFA27BF3790.jpeg)
Hoti: Sektori privat do ta ketë mbështetjen e qeverisë
25 korrik 2020
| 12:46
I shoqëruar nga ministri i Ekonomisë dhe Ambientit, Blerim Kuqi dhe ministri i Tregtisë dhe Industrisë, Vesel Krasniqi, kryeministri Avdullah Hoti ka vizituar sot kompaninë “Eurometal” në Ferizaj.
Hoti ka thënë se kjo kompani është shembull i punës, inovacionit dhe zhvillimit me resurse të veta, duke shfrytëzuar maksimalisht potencialin që ka tregu i Kosovës dhe tregu ndërkombëtar.
“Qeveria do të vazhdojë mbështetjen për sektorin privat përmes politikave qeveritare, përmes Pakos për rimëkëmbje ekonomike, e cila pritet që shpejt të fillojë të zbatohet në praktikë dhe të kalohet nga pjesa e ndihmës emergjente për bizneset, kah rimëkëmbja dhe zhvillimi ekonomik”, ka deklaruar Hoti.
(Q.R / Epoka e re)