Hoti takon sekretarin e shtetit të Vatikanit
Kryeministri i Republikës së Kosovës, Avdullah Hoti, është pritur në takim nga sekretari i shtetit të Vatikanit, Kardinali Pietro Parolin.
Ai ka treguar se me Parolin ka biseduar për mundësinë e thellimit të bashkëpunimit dhe të komunikimit përmes marrëveshjeve të mirëkuptimit.
Postimi i plotë i Hotit:
Një takim shumë i frytshëm me sekretarin e Shtetit të Vatikanit, Kardinalin Pietro Parolin.
Eminencën e Tij, Kardinalin Parolin, e kam falënderuar për mbështetjen e Selisë së Shenjtë për popullin e Kosovës, duke kontribuar kështu për paqen e qëndrueshme në rajonin e Ballkanit Perëndimor.
Me Sekretarin e Shtetit të Vatikanit, Kardinalin Parolin, biseduam për mundësinë e thellimit të bashkëpunimit dhe të komunikimit përmes marrëveshjeve të mirëkuptimit, që do të rezultonte me njohje të vlefshme të sistemit të vlerave të përbashkëta të të dyja vendeve.