Kryeministri i Kosovës, Avdullah Hoti, pas takimit që pati me presidentin Hashim Thaçi ka thënë se pret nga deputetët e Kuvendit të Kosovës sa më parë ta miratojnë rishikimin e buxhetit si dhe ligjin e rimëkëmbjes ekonomike.

Kryeministri Hoti ka thënë se ligji për rimëkëmbje ekonomike është i rëndësisë nacionale.

Ai theksoi se pret mirëkuptim nga ana e deputetëve që të votohen këto dy çështje para se Kuvendi i Kosovës të shkojë në pushimet verore.

“Kemi biseduar në detaje për tema të interesit nacional. Pres që në ditët e ardhshme Kuvendi të miratoj rishikimin e buxhetit dhe ligjin për rimëkëmbjen ekonomike. Është ligj i rëndësisë nacionale, dhe pres në mirëkuptim që deputet të kryejnë këto punë para se Kuvendi të shkoj në pushim të verës”, ka thënë Hoti.