Deputeti nga radhët e Lidhjes Demokratike të Kosovës (LDK), Avdullah Hoti, ka përmendur kryeshefin e pezulluar të Korporatës Energjetike të Kosovës, Nagip Krasniqi, në seancën e Kuvendit të Kosovës.

Hoti ka thënë se ai vazhdon që të merr 50 për qind të pagës  apo rreth 1700-1800 euro në muaj  edhe pse ndodhet në paraburgim.

“Kryeshefi i KEK-ut është në paraburgim njeri, edhe dua me prezumuar pafajësinë për të, por ai vazhdon të mos shkarkohet dhe të merr 50 për qind të rrogës. 1700-1800 euro merr rrogë ai, e është në burg, në paraburgim”.

“I pafajshëm derisa nuk ka vendim të gjykatës, por ai vazhdon të paguhet nga buxheti i shtetit të Kosovës”, ka thënë Hoti në Kuvendin e Kosovës.