Deputeti i LDK-së, Avdullah Hoti, që në kohën sa ishte kryeministër i Kosovës kishte takuar Donald Trump në Shtëpinë e Bardhë, ka uruar atë për fitoren për president të Amerikës.

Hoti ka uruar Trumpin për fitore por nuk ka harruar të falënderoj edhe Presidentit Biden dhe Zëvendëspresidentes Harris për mbështetjen për Kosovën.

“Populli i Kosovës është përherë krah Shteteve të Bashkuara të Amerikës. Miqësia e përhershme e popullit të Kosovës me Shtetet e Bashkuara të Amerikës është një nga shtyllat kryesore të shtetësisë sonë. Duhet të thellojmë marrëdhëniet e veçanta midis dy vendeve. Vetëm në koordinim dhe mbështetje nga Shtëpinë e Bardhë, Kosova lëviz sigurt drejt integrimit euroatlantik”, ka shkruar Hoti në “Facebook”.

Postimi i plotë:

Zgjedhjet në Shtetet e Bashkuara të Amerikës dëshmuan standardet demokratike amerikane, modelit të demokracisë në gjithë botën.

Urime të përzemërta Presidentit Trump dhe Zëvendëspresidentit JD Vance për fitoren e tyre. Mbarësi e suksese në lidershipin e tyre në Shtëpinë e Bardhë në katër vitet në vijim.

Falënderime Presidentit Biden dhe Zëvendëspresidentes Harris për mbështetjen për Kosovën dhe gjithë shqiptarët gjatë katër viteve të fundit.

Populli i Kosovës është përherë krah Shteteve të Bashkuara të Amerikës.Miqësia e përhershmee popullit të Kosovës me Shtetet e Bashkuara të Amerikës është një nga shtyllat kryesore të shtetësisë sonë. Duhet të thellojmë marrëdhëniet e veçanta midis dy vendeve. Vetëm në koordinim dhe mbështetje nga Shtëpinë e Bardhë, Kosova lëviz sigurt drejt integrimit euroatlantik.

Zoti e bekoftë Amerikën!

Zoti e bekoftë popullin e saj!