Ish-kryeministri Avdullah Hoti ka thënë se varianti delta i Covid-19 po përhapet me shpejtësi.

“Sot kishte 221 raste pozitive. Trendi është shumë shqetësues. Nuk ka dyshim se jemi para një vale të re të pandemisë”.

“Për disa javë nis viti i ri akademik, ku afër 500 mijë nxënës, studentë e profesorë do të jenë në kontakt me njëri-tjetrin, duke i rritur shumë gjasat për përhapje të gjerë të virusit”, ka shkruar Hoti në llogarinë e vet në “Facebook”.

Ai ka theksuar se vaksinimi është e vetmja mënyrë për t’u mbrojtur.

“Është tepër e rëndësishme të kryhet vaksinimi sa më parë. Secili i rritur duhet të vaksinohet, përveç atyre që kanë arsye mjekësore. Mësimdhënësit në të gjitha nivelet duhet të vaksinohen për të mbrojtur veten dhe familjet e tyre, si dhe për të mundësuar organizimin e mësimit me orar të rregullt”, ka shkruar Hoti.