Ish-kryeministri i Kosovës, Avdullah Hoti, ka vizituar familje dhe biznese në Skenderaj që janë dëmtuar nga vërshimet e fundit.

Hoti në një postim në “Facebook”, ka shkruar se duhet ndihmë urgjente për këto familje për të riparuar dëmet në shtëpitë e tyre.

“Pres që niveli qendror të ndajë sa më parë një fond emergjent, ku secilës familje i ndihmohet me një shumë fikse për blerjen e pajisjeve elementare shtëpiake dhe për meremetimet e nevojshme, në mënyrë që të kthehen sa më parë në shtëpitë e tyre. Ndihma duhet urgjent”, ka shkruar Hoti.

Postimi i plotë i Hotit:

Sot, me bashkëpunëtorë vizituam disa familje dhe biznese në Skenderaj që u dëmtuan nga vërshimet e fundit. Për fat të mirë nuk kishte dëme në njerëz, por ka qindra shtëpi që janë të pa banueshme.

Duhet ndihmë urgjente për këto familje për të riparuar dëmet në shtëpitë e tyre.

Pres që niveli qendror të ndajë sa më parë një fond emergjent, ku secilës familje i ndihmohet me një shumë fikse për blerjen e pajisjeve elementare shtëpiake dhe për meremetimet e nevojshme, në mënyrë që të kthehen sa më parë në shtëpitë e tyre. Në ndërkohë mund të bëhet vlerësimi i dëmeve, si në shtëpi ashtu edhe në biznese.

Ndihma duhet urgjent.

jent.