Kryeministri i Kosovës, Avdullah Hoti, nga foltorja e Kuvendit u është përgjigjur deputetëve për lejimin e mbajtjes së zgjedhje parlamentare të Serbisë, të cilat janë mbajtur më 21 qershor edhe në vendin tonë .

Ai ka thënë se kjo është praktikë nga e kaluara dhe se ka qenë kërkesë e OSBE-së.

“Për hir të së vërtetës zgjedhjet janë organizuar nga OSBE. Ata kanë kërkuar të kenë kësaj radhe 140 pika grumbulluese, por nuk janë lejuar. Kam lejuar të njëjtat aranzhime që kanë pasur në institucionet e Kosovës që nga 2012 e këndej nën menaxhimin e OSBE-së. Kjo kërkesë në qeverinë e kaluar kanë pritur dy-tri javë dhe as s’është refuzuar as s’është lejuar”, është shprehur Hoti.