Ambasadori amerikan, Jeff Hovenier ka shprehur ngushëllime për vdekjen e ambasadores së parë të ShBA-së në Kosovë, Tina Kaidanow.

Hovenier u shpreh se jemi të pikëlluar nga humbja e koleges tonë.

Ai u shpreh se Kaidanow si anëtare e shërbimit diplomatik amerikan, la një trashëgimi të qëndrueshme në rajon, duke kontribuar në avancimin e paqes dhe sigurisë. “Ajo ishte një mbështetëse e fortë për popullin e Kosovës në arritjen e vizionit të tyre për një demokraci sovrane, shumëetnike dhe të suksesshme”, tha Hovenier.

Ambasadori i dërgoi ngushëllimet e tij familjes së saj dhe të gjithë atyre që e njohën.