Ambasadori i ShBA-së në Kosovë, Jeff Hovenier, ka vazhduar kritikat ndaj Qeverise së Kosovës për çështjen e dinarit.

Në konferencën e sotme për medie, ai ka komentuar kritikat e SHBA-së për Kosovën në Këshill të Sigurimit.

Ai ka thënë se kjo gjë është shumë e rrallë.

“Është e rrallë që në Këshill të Sigurimit përfaqësuesi amerikan të thotë gjëra kritike për Qeverinë e Kosovës. Ambasadorja Linda-Thomas Greenfield e bëri këtë. Është e rrallë që ndihmës-sekretari për Evropë, James O’Brien, të japë intervistë me tone e kontekst të tillë siç e bëri, është shumë e rrallë. Reflekton për një problem. Shpresa ime është të ndalet kjo. Nuk duam të jemi në këto rrethana. Duam të jemi në rrethana tjera”, ka deklaruar diplomati amerikan.