Ambasadori amerikan në Kosovë, Jeff Hovenier, gjatë shënimit të 25-vjetorit të Qendrës Kosovare për Rehabilitimin e Viktimave të Torturës (QKRMT), ka theksuar përkushtimin e ShBA-së për të mbështetur të mbijetuarat e dhunës seksuale të kohës së luftës.

Ai ka nënvizuar rëndësinë e iniciativave që sigurojnë mbrojtjen e të drejtave të tyre dhe theksoi angazhimin e vazhdueshëm të ShBA-së për të qëndruar pranë këtyre viktimave dhe për të promovuar drejtësinë dhe rehabilitimin e tyre.

“Sot shënuam 25 vjetorin e Qendrës Kosovare për Rehabilitimin e Viktimave të Torturës (QKRMT). ShBA-ja është e përkushtuar të qëndrojë me të mbijetuarat e dhunës seksuale të kohës së luftës dhe të mbështesë iniciativat që sigurojnë mbrojtjen e të drejtave të tyre”, ka thënë Hovenieri.

Today, we marked the 25th anniversary of the Kosova Rehabilitation Center for Torture Victims (KRCT). The U.S. is committed to standing with survivors of wartime sexual violence and supporting initiatives that ensure their rights are upheld. pic.twitter.com/PENqGY4jQW

— Ambassador Jeff Hovenier (@USAmbKosovo) October 16, 2024