Ish-ministri dhe deputeti Enver Hoxhaj ka qëndruar sonte në Suharekë.

Ai nga atje ka thënë se fuqia e vërtetë e PDK-së në Suharekë dhe në mbarë Kosovën janë të rinjtë.

“Fuqia e vërtetë e PDK-së në Suharekë dhe në mbarë Kosovën janë të rinjtë, burrat e gratë që e kanë përkrahur prej themelimit partinë tonë. Ky takim masovik sonte, është dëshmi e qartë e fitores së madhe të vizionit tonë për një Kosovë të drejtë, të fortë dhe të unifikuar. Faleminderit secilit prej jush për përkrahjen e vazhdueshme dhe për kontributin në këtë rrugëtim të përbashkët”, ka shkruar Hoxhaj.