Ish-ministri i jashtëm i Kosovës, Enver Hoxhaj, i ka reaguar ministrit të jashtëm të Ukrainës, i cili u takua me homologun e tij në Serbi, Marko Gjuriqin.

Hoxhaj, që aktualisht mban postin e nënkryetarit të Kuvendit të Kosovës, ka thënë se është për të ardhur keq që Ukraina mban në Ballkan politikën e jashtme pro-ruse të Yanukovychit, duke flirtuar me Serbinë që është pjesë e boshtit të gjenocidëve të udhëhequr nga Rusia.

“Është për të ardhur keq që Ukraina mban në Ballkan politikën e jashtme pro-ruse të Yanukovych, duke flirtuar me Serbinë që është pjesë e boshtit të gjenocidëve të udhëhequr nga Rusia. Nocioni i Ukrainës pro-evropiane dhe pro-perëndimore duket të jetë asgjë më shumë se një fasadë në realitet”, ka shkruar Hoxhaj në platformën “X”.

In Belgrade, Foreign Minister @MarkoDjuric and I discussed ways to develop our bilateral cooperation. Minister Đurić expressed his support for Ukraine's sovereignty and territorial integrity. I reciprocated with regard to Serbia. We also discussed both countries' EU integration. pic.twitter.com/r345CeoH7T

— Dmytro Kuleba (@DmytroKuleba) May 13, 2024