Zëvendëskryeministri Enver Hoxhaj ka pritur sot në takim delegacionin e Komisionit për Punë të Jashtme në Parlamentin Evropian, kryesuar nga David McAllister.

Hoxhaj ka falendëruar këtë delegacion për mbështetjen e madhe që i kanë dhënë Kosovës gjatë mandatit të tyre veçmas në procesin e liberalizimit të vizave.

“Tani kudo në Evropë është kuptuar se Kosova i ka përmbushur kriteret. Bashkëbiseduam edhe për dialogun dhe pritjet në Bruksel e Washington që kjo çështje të mbyllet këtë vit”, ka thënë Hoxhaj.