Zëvendëskryeministri Enver Hoxhaj po qëndron në Washington D.C. të Shteteve të Bashkuara të Amerikës, për të zhvilluar një agjendë takimesh zyrtare dhe për të marrë pjesë në forumin global të American Jewish Committee.

“Mbështetja amerikane për procesin e dialogut e mbi të gjitha implementimin e marrëveshjes finale në mes të Kosovës dhe Serbisë është jashtëzakonisht e rëndësishme për përmbylljen e shtetndërtimit të Kosovës dhe vazhdimit në fazën e ndërtimit të shoqërisë modern, forcimit të demokracisë dhe zhvillimit ekonomik”, ka shkruar Hoxhaj në llogarinë e vet në “Facebook”.