Zëvendëskryeministri i Kosovës, Enver Hoxhaj, ka marrë pjesë sot në varrimin e Krenar Jeminit në fshatin Mushtisht të Therandës, i cili humbi jetën në vendin e punës.

Hoxhaj përmes një postimi në llogarinë e vet në “Facebook”, ka shkruar se Krenari ka qenë një djalë shembullor dhe aktivist i përkushtuar i PDK-së në nëndegën e Mushtishtit.

“Thellësisht i tronditur nga lajmi për vdekjen tragjike në vendin e punës të të riut Krenar Jemini, nga fshati Mushtisht i Komunës së Therandës. Krenari ka qenë një djalë shembullor dhe aktivist i përkushtuar i PDK-së në nëndegën e Mushtishtit. Ngushëllime familjes Jemini, miqve dhe kolegëve. Si Qeveri e Kosovës e kemi prioritet dhe shumë shpejtë do të dalim me hapa konkretë në mënyrë që të rritet siguria në vendin e punës”, ka shkruar Hoxhaj.

/Epoka e re/