Ish-ministri i jashtëm i Kosovës, Enver Hoxhaj, ka reaguar për mos zgjedhjen e Ermina Lekaj Perlaskaj si deputete e Kuvendit të Kroacisë, e cila për vite me radhë mbante këtë pozitë atje.

Nënkryetari i Kuvendit, Enver Hoxhaj,  ka thënë se Ermina Lekaj Perlaskaj ishte zëri, guximi dhe vendosmëria e gjithë shqiptarëve në Kuvendin e Kroacisë.

Ai ka thënë se moszgjedhja e saj është shpërfaqje e politikës së përçarjes së shqiptarëve, që sipas tij, ka pikënisjen në Prishtinë dhe Gostivar.

“Ermina Lekaj Perlaskaj ishte zëri, guximi dhe vendosmëria e gjithë shqiptarëve në Kuvendin e Kroacisë, ndërsa moszgjedhja e saj është shpërfaqje e politikës së përçarjes së shqiptarëve, me pikënisjen në Prishtinë dhe Gostivar!”, ka shkruar Hoxhaj në “Facebook”, derisa ka ndarë një fotografi me z. Perlaskaj.