Zëvendëskryeministri Enver Hoxhaj e ka quajtur absurd përpjekjen e opozitës për të rrëzuar Qeverinë, në kohën kur pritet heqja e vizave, transformimi i FSK-së në ushtri dhe arritja e një marrëveshje me Serbinë.

Ai ka thënë se këtë vjeshtë nuk do të ketë zgjedhje, duke shtuar se kanë punë të tjera për të bërë.

“Në një kohë kur ne presim liberalizim vizash, në një kohë kur presim që të nënshkruajmë një marrëveshje me Serbinë e cila do të ishte njohja e ndërsjellët dhe asgjë më pak, në një kohë kur ne jem në proces të transformimit të FSK-së në ushtri të Kosovës, është absurde në vjeshtën e 2018  dikush të kërkon ta rrëzon qeverinë”, ka thënë Hoxhaj për “EkonomiaOnline”.

“Përfitimet afatshkurta partiake nuk i shërbejnë interesave të vendit. Prandaj qëndrimi jonë si Parti Demokratike e Kosovës është se nuk ka zgjedhje këtë vjeshtë”.

Mirëpo, nënkryetari i Partisë Demokratike të Kosovës (PDK), nuk ka mohuar mundësinë e zgjedhjeve vjeshtën e vitit të ardhshëm.

Shkrimin e plotë mund ta gjeni në EkonomiaOnline.