Politikani Enver Hoxhaj ka përkujtuar sot sakrificën e veteranëve të Ushtrisë Çlirimtare të Kosovës (UÇK) me një mesazh gjatë aktiviteteve për Ditën e Veteranit në Suharekë.

Për ditën e Veteranit në Suharekë, Hoxhaj ka takuar kryetarin e Organizatës së Veteranëve të UÇK-së, Sejdi Elezi, kryetarin e Shoqatës së Familjeve të Dëshmorëve, Avdullah Krasniqi, dhe kryetarin e Invalidëve të UÇK-së, Adem Bytyqi.

“Sot dhe përgjithmonë, të kujtojmë e nderojmë sakrificën e veteranëve të UÇK-së, të cilët dhanë gjithçka për lirinë dhe pavarësinë e Kosovës. Për ditën e Veteranit në Suharekë, ishte nder i veçantë të takoja kryetarin e Organizatës së Veteranëve të UÇK-së, Sejdi Elezi, kryetarin e Shoqatës së Familjeve të Dëshmorëve, Avdullah Krasniqi, dhe kryetarin e Invalidëve të UÇK-së, Adem Bytyqi”, ka shkruar Hoxhaj në “Facebook”.