Enver Hoxaj, nënkryetar i Kuvendit të Kosovës nga radhët e PDK-së, ka uruar Donald Trumpin për rizgjedhjet e tij në krye të Shteteve të Bashkuara të Amerikës.

Hoxhaj ka publikuar fotografi me JD Vance, zëvendëspresident i ardhshëm i ShBA-së.

Hoxhaj ka shkruar në “Facebook” se Kosova është një mik i palëkundur i ShBA-së.

“Urime popullit amerikan, presidentit Donald Trump dhe zëvendëspresidentit JD Vance, për këtë kapitull të ri udhëheqjeje. Kosova mbetet një mik i palëkundur i ShBA-së, një miqësi e thellë dhe historike që ka forcuar themelet e lirisë dhe demokracisë sonë”, ka shkruar Hoxhaj.