Zëvendëskryeministri i Republikës së Kosovës, Enver Hoxhaj ka deklaruar se Vuçiqi po luan lojëra të rrezikshme pasi në Kosovë ka ardhur me udhërrëfyesin e Millosheviqit.

Ai ka kërkuar nga BE-ja që ta dënojë menjëherë një politikë të tillë.Përmes një postimi në “Twitter”,  ai ka thënë se kjo vizitë e Vuçiqit e vë në dyshim rolin e BE-së në dialog. “Vuçiqi po luan lojëra të rrezikshme kur në Kosovë vjen me libër-udhërrëfyesin e Millosheviqit. Serbia po rikthehet në të kaluarën e saj të errët dhe BE-ja duhet të dënojë menjëherë një politikë të tillë. Kjo vizitë e vë në dyshim rolin e BE-së në dialog, nëse ajo po bëhet nga lehtësues në pengues të saj”, ka shkruar Hoxhaj.