Jordan Henderson është zgjedhur si futbollisti më i mirë i sezonit 2019-2020 në Premier Ligë nga shoqata e gazetarëve të futbollit britanik.

Kapiteni i Liverpoolit është vlerësuar me këtë çmim special për vetë faktin se ishte një nga lojtarët më të mirë dhe lideri i “The Reds” në këtë edicion historik që riktheu titullin në “Anfield Road” pas 30 vitesh.

Henderson i cili është aktivizuar në 30 takime me Liverpoolin në këtë sezon mposhti në përzgjedhjet e gazetarëve dhe korrespondentëve sportivë konkurrencën e yllit të Manchester Cityt, Kevin De Bruyne dhe atë të sulmuesit të Manchester United, Marcus Rashford.