Qeveria e Kosovës sot do të mbajë mbledhje.

Kryeministri Albin Kurti i ka ftuar ministrat në mbledhjen e radhës, nga ora 10:00.

Zyra e Kryeministrit, që ka njoftuar për mbledhjen, nuk ka dhënë më shumë detaje.

Në mbledhjen e fundit të ekzekutivit, më 15 korrik, u miratuan tri vendime.

U mor vendim për të kërkuar nga presidentja dhënien e autorizimit zëvendëskryeministrit Besnik Bislimi për nënshkrimin e marrëveshjes dypalëshe për bashkëpunimin për zhvillim ndërmjet Republikës së Kosovës dhe Dukatit të Madh të Luksemburgut.

Po ashtu, ishte miratuar vendimi për të kërkuar nga presidentja dhënien e autorizimit Bislimit për nënshkrimin e Amendamentit 2. të Marrëveshjes Financiare ndërmjet Republikës së Kosovës dhe Bashkimit Evropian për Programin IPA 2015.

Në mbledhjen e fundit u miratua në parim edhe Nisma për plotësim dhe ndryshim të Marrëveshjes Financiare ndërmjet Republikës së Kosovës dhe Bashkimit Evropian për Programin IPA 2014.