Për këtë ka njoftuar Libri i Rekordeve Guinness nëpërmjet uebfaqes zyrtare në internet dhe vetë vushtrriasi përmes një njoftimi në Facebook, transmeton Telegrafi.

“Pesha më e rëndë e mbajtur në trup është 1,531 kilogram dhe është arritur nga Bujar Muli, më 15 korrik 2023”, thuhet në njoftimin e Guinness, duke shtuar se ai kishte thyer rekordin me qese të shumta çimentoje të vendosura mbi trupin e tij.

I ngazëllyer për njohjen e këtij rekordi nga Guinness, vushtrriasi publikoi dy fotografi në Facebook bashkangjitur me postimin ku bën të ditur arritjen e tij.

“Nder dhe krenari për mua që me forcën time arrita ta fus emrin e qytetit tim Vushtrrisë dhe vendin tim Kosovën në librin më të famshëm ne botë ‘Guiness World Record’”, shkroi Muli.