Një person ka humbur jetën, pasi i njëjti ka rënë në një humnerë në Prevallë.

Zëdhënësi i Policisë së Kosovës për rajonin e Prizrenit, Shaban Osmanollaj ka konfirmuar rastin për Demokracia.com

Osmanollaj ka bërë të ditur se pas këtij informacioni njësitet policore, e emergjencës dhe zjarrfikësit kanë dalë në vendin e ngjarjes.

“Sot rreth orës 14:35 kemi pranuar informacionin se një person ka rënë në humnerë në Prevallë. Njësitet policore, njësia e emergjencës dhe zjarrfikësit kanë dalë në vendin e ngjarjes. Pas orës 16:00 kemi pranuar informacionin se është gjetur një trup i pajetë”, ka thënë Osmanollaj.