Humbja e dytë radhazi për Memphisin, që humbet ndjeshëm terren ndaj Denverit në Perëndim. Memphisi u mund me rezultat 112-110 nga Phoenixi, ndeshje ku për Suns u dalluan Bridges me 24 pikë e Paul me 20.

Fitoren e dytë radhazi e korri Lakersat, që mundi me rezultat 121-112 Portlandin jashtë fushe, duke shpresuar për “play-off”-in. LeBron James me 37 pikë e 11 rebound e Thomas Bryant me 31 pikë e 14 rebound, bënë diferencën në fushë për Lakersat.

Humbet skuadra kampione e Golden State, që në fushën e saj u mund 120-116 nga Brooklyn. Irving me 38 pikë ishte lider në parket për Nets, duke i bërë të pavlefshme 26 pikët e Curry për Warriors. Miami, falë 26 pikëve të Tyler Herro, mundi me rezultat 100-96 New Orleans dhe ruan zonën “play-off”, ndërsa Dallasin u mund me rezultat 112-98 në shtëpi nga Clippersat. Për miqtë u dallua Kawhi Leonard me 30 pikë. Befasia është humbja e Denverit, 101-99 nga Oklahoma, ndeshje ku u dallua Alexander Shai me 34 pikë.

Rezultatet

Dallas – Clippers                       98-112
Miami – New Orleans              100-96
Toronto – New York                125-116
Denver – Oklahoma                 99-101

Phoenix – Memphis                 112-110
Golden State – Brooklyn         116-120
Portland – Lakers                     112-121