I bëri dhuratën romantike, Morena Taraku i thotë publikisht: Edhe unë të dua
30 shtator 2020
| 11:33
Pak kohë më parë, Morena Taraku zbuloi se ka një njeri special në jetën e saj, edhe pse ende nuk ka vendosur që të zbulojë identitetin e tij.
E teksa vijon që të mbajë sekret portretin e të dashurit, këngëtarja nuk e ka aspak problem që të ndajë me ndjekësit disa momente romantike me të në rrjetet sociale.
Duket se personi në fjalë është i surprizave, pasi edhe së fundmi i ka bërë dhurata mjaft romantike. Morena ka ndarë në “Instastory” një fotografi ku shfaqet një buqete gjigante me trëndafila të kuq, brenda të cilëve ishte formuar një zemër me trëndafila të bardhë.
“Edhe unë të dua”, shkruan këngëtarja krahas fotos që mori menjëherë vëmendjen e fansave të saj të shumtë.
Por fansat tani janë kuriozë të dimë me kë e ka këngëtarja? Presim postimet e radhës të Morenës, nëse ajo vendos për të zbuluar detaje të tjera.
