Kjo agjenci ka theksuar  se, që nga ora 8 e mëngjesit të së premtes, 45 të tjerë janë lënduar në stuhinë e borës që ka nisur nga e shtuna e javës së kaluar.

Zyrtarët kanë thënë se një grua rreth të 20-ave është gjetur e vdekur në një makinë të zhytur në dëborë në qytetin Kashiwazaki, prefektura Niigata, të martën. Ata dyshojnë se ajo ka vdekur  nga helmimi me monoksid karboni pasi tubi i shkarkimit të makinës është bllokuar nga bora.

Tre persona mbi moshën 80-vjeçare kanë humbur jetën në aksidente në prefekturën e Niigatas teksa po përpiqeshin të pastronin dëborën përreth shtëpive të tyre.

Në prefekturën Akita, në Japoninë veriore, një burrë rreth të 80-tave u gjet i vdekur të mërkurën, i varrosur nën dëborë.

Një tjetër burrë rreth të 70-tave në prefekturë vdiq ndërsa përpiqej të pastronte borën nga çatia e shtëpisë së tij të hënën.

Zyrtarët kanë thënë se tetë vdekjet kanë ndodhur në pesë prefektura: Hokkaido, Akita, Yamagata, Niigata dhe Ishikawa.

Ata kanë thënë se 19 persona u plagosën rëndë dhe 26 të tjerë pësuan lëndime të lehta në aksidente të lidhura me borën në gjashtë prefektura.

Stuhi e paprecedentë dimërore në ShBA, Nju Jorku e disa shtete shpallin gjendjen e jashtëzakonshme

Shtetet e Bashkuara të Amerikës janë përfshirë nga valë e paprecedentë stuhie dimërore.

Shteti i Nju Jorkut së bashku me Xhorxhia, Kentaki, Misuri, Maryland, Karolina e Veriut dhe Oklahoma, kanë shpallur gjendje të jashtëzakonshme në pritje të mbërritjes në orët e ardhshme të stuhive të paprecedentë të dimrit që mediat amerikane i kanë quajtur “ciklon bombë”, ose “Snowmaggedon”.

Temperaturat akullnajore priten të kapin majat -57 gradë në disa zona malore të Wyoming.

Mbi 2300 fluturime janë anuluar në orën 20:30 të mbrëmjes mes shqetësimit të madh për miliona amerikanë që nisen për festat e Krishtlindjeve.

Stuhia e fuqishme dimërore në Arktik ka vendosur më shumë se 135 milionë njerëz nën alarmet e motit të fundjavës, përpara ditëve më të ngarkuara të udhëtimit të vitit.

Alarmet shtrihen nga bregu në bregdet dhe arrijnë në jug deri në kufirin SHBA-Meksikë dhe Florida, shteti Sunshine.