Është varrosur me nderime të larta nënoficeri i Forcës së Sigurisë së Kosovës (FSK), Baki Ejupi.

Ceremonia e varrimit është mbajtur në fshatin e tij të lindjes, në Sekiraqë të komunës së Podujevës.

Ejupi ka ndërruar jetë pas një ataku kardiak në vendin tij të punës.

Baki Ejupi ka qenë pjesë e Ushtrisë Çlirimtare të Kosovës në Zonën Operative të Llapit, Brigada 152, ndërsa me krijimin e Trupave të Mbrojtjes së Kosovës, ka shërbyer në Zonën e Pestë të TMK-së.